Read "Tehzibon Ki Jang", a powerful Urdu poem about the clash of civilizations, global tensions, and nuclear threats by Prof. Zafar Iqbal Khatana.
Nazm
Tehzibon Ki Jang
Mashriq ke khilaf maghrib ke nazriyat hain garam
Aur do tarfa zarbaat o bayanaat hain garam
Yeh qismat hai hamari ke jeete hain is daur mein
Jis daur mein duniya ke makeenon ke mizajaat hain garam
Lagta hai ke tehzibon ke qatil hain yehi log
In ki sochon ke mehwar o khayalat hain garam
Duniya ki tabahi ka samaan hua hai in se
Bazaahir to khamoshi hai, magar asraat hain garam
Pata nahi kal kya ho jaye is jahan mein
Aslaha ke ambaar hain aur atom ke tajurbaat hain garam
Cheeni bhi, Amreeki bhi, aur Roosi bhi tayyar kharay hain
Kis lamhay kya ho, yeh maloom nahi, magar isharat hain garam
Roz-e-azal se yeh laga hai tamasha Zafar
Ke kaalay ke khilaf, goray ke jazbaat hain garam
— Prof. Chaudhary Zafar Iqbal Khatana
COMMENTS